Qazaqstan Respýblıkasy Aýyl sharýashylyǵy mınıstrliginiń buıryǵy  №4-5/604 

  2015 jylǵy 2 shilde, Astana qalasy Maqta qolhattary boıynsha mindettemelerdiń oryndalýyna kepildik berý qorlarynyń qyzmeti men olardyń taratylý qaǵıdalaryn bekitý týraly «Maqta salasyn damytý týraly» 2007 jylǵy 21 shildedegi Qazaqstan Respýblıkasy Zańynyń 7-babynyń 18) tarmaqshasyna sáıkes buıyramyn: 1. Qosa berilip otyrǵan Maqta qolhattary boıynsha mindettemelerdiń oryndalýyna kepildik berý qorlarynyń qyzmeti men olardyń taratylý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń О́simdik sharýashylyǵy ónimderin óndirý men qaıta óńdeý jáne fıtosanıtarııalyq qaýipsizdik departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A. MAMYTBEKOV «KELISILGEN» «KELISILGEN» Qazaqstan Respýblıkasynyń Qazaqstan Respýblıkasynyń Qarjy mınıstri Ulttyq ekonomıka mınıstri ______________ B. Sultanov ________________ E. Dosaev 2015 jylǵy 11 tamyz 2015 jylǵy 7 tamyz Qazaqstan Respýblıkasy Aýyl sharýashylyǵy mınıstriniń 2015 jylǵy 2 shildedegi № 4-5/604 buıryǵymen bekitilgen Maqta qolhattary boıynsha mindettemelerdiń oryndalýyna kepildik berý qorlarynyń qyzmeti men olardyń taratylý qaǵıdalaryn bekitý týraly 1. Jalpy erejeler 1. Osy Maqta qolhattary boıynsha mindettemelerdiń oryndalýyna kepildik berý qorlarynyń qyzmeti men olardyń taratylý qaǵıdalary (budan ári – Qaǵıdalar) «Maqta salasyn damytý týraly» 2007 jylǵy 21 shildedegi Qazaqstan Respýblıkasynyń Zańyna sáıkes ázirlendi jáne maqta qolhattary boıynsha mindettemelerdiń oryndalýyna kepildik berý qorlarynyń qyzmeti men olardyń taratylý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) qatysýshy – qormen qatysý shartyn jasasqan jáne qoldanysta bolatyn maqta qolhattaryn bere otyryp, qoıma qyzmeti jónindegi qyzmetter kórsetýge lısenzııasy bar maqta óńdeý uıymy; 2) maqta qolhattary boıynsha mindettemelerdiń oryndalýyna kepildik berý qory – maqta óńdeý uıymdarynyń ózderi bergen maqta qolhattary boıynsha mindettemelerin oryndamaýynan maqta qolhattaryn ustaýshylardyń quqyqtary men zańdy múddelerin qorǵaýdy qamtamasyz etý maqsatynda óz qyzmetin júzege asyratyn zańdy tulǵa (budan ári – qor nemese qorlar). 2. Qorlardyń qyzmeti men olardyń taratylý tártibi 3. Uıymdastyrýshylyq-quqyqtyq nysany aksıonerlik qoǵam bolyp tabylatyn kommersııalyq emes uıym qor (qorlar) bolyp tabylady. 4. Qor (qorlar) óz qyzmetin kommersııalyq emes uıymdar týraly jáne aksıonerlik qoǵamdar týraly Qazaqstan Respýb­lıkasynyń zańnamalyq aktileriniń, osy Qaǵıdalardyń jáne quryltaı qujattarynyń negizinde júzege asyrady. 5. Qordyń (qorlardyń) negizgi mindetteri mynalar bolyp tabylady: 1) maqta óńdeý uıymdarynyń ózderi bergen maqta qolhattary boıynsha mindettemelerin oryndamaýynan maqta qolhattaryn ustaýshylardyń quqyqtary men zańdy múddelerin qorǵaýdy qamtamasyz etý; 2) maqta qolhattary boıynsha mindettemelerdiń oryndalýyna kepildik berý júıesin damytý. 6. Qordy (qorlardy) basqarý organdaryn qalyptastyrý tártibi jáne olardyń quzyreti qordyń (qorlardyń) quryltaı qujattarynda aıqyndalady. 7. Qordyń (qorlardyń) kiristeri alǵa qoıǵan maqsattar men mindetterge qol jetkizý úshin onyń damýyna ǵana baǵyttalady. 8. Árbir qordyń (qorlardyń) kepildik tólemderine arnalǵan óteý rezerviniń mólsheri qatysýshylardyń maqta qolhattary boıynsha mindettemelerdiń oryndalýyn qamtamasyz etý úshin jetkilikti bolýy jáne keminde bir mıllıard teńge somany quraýy tıis. 9. Árbir qordyń (qorlardyń) óteý rezervteri ony qurý kezinde qajetti jarǵylyq kapıtaldy qalyptastyrýǵa qaramastan qalyptastyrylady. 10. Qatysýshylardyń jarnalary mindetti túrde óteý rezervin tolyqtyrýǵa jiberiledi. 11. Maqta qolhatyn ustaýshylardyń talaptaryn qamtamasyz etý maqsatynda qordyń (qorlardyń) menshik kapıtaly mólsheriniń keminde 80%-y turaqty negizde ótimdiligi joǵary qarjy aktıvterine (aqsha, ekinshi deńgeıdegi bankterdegi depozıtter, baǵaly qaǵazdar) ornalastyrylady. 12. Ádilet organdarynda memlekettik tirkelgen kúnnen bastap bir aıdan keshiktirmeıtin merzimde qor (qorlar) maqta salasyn damytý boıynsha ýákiletti organǵa ózderiniń memlekettik tirkelýin rastaıtyn qujattardy, quryltaı qujattaryn, sondaı-aq óteý rezerviniń mólsheri týraly málimetterdi usynady. 13. Qor (qorlar) buqaralyq aqparat quraldarynda ózderiniń qurylǵandyǵy týraly habarlamany jáne maqtany qaıta óńdeý uıymdaryna tıisti qorǵa (qorlarǵa) qatysýǵa usynystar jarııalaıdy. 14. Qatysýshylar óz mindettemelerin oryndamaǵan nemese tıisinshe oryndamaǵan jaǵdaıda qor (qorlar) maqta qolhatyn ustaýshylardyń aldynda Qazaqstan Respýblıkasynyń azamattyq zańnamasyna sáıkes sýbsıdııarlyq jaýaptylyqta bolady. 15. Qor (qorlar) osy Qaǵıdalardyń 16-tarmaǵynyń talaptaryn eskere otyryp, 2001 jylǵy 16 qańtardaǵy «Kommersııalyq emes uıymdar týraly» jáne 2003 jylǵy 13 mamyrdaǵy «Aksıonerlik qoǵamdar týraly» Qazaqstan Respýblıkasynyń Zańdarynda belgilengen tártippen taratylýy múmkin. 16. Qordy (qorlardy) basqarý organdarynyń qordy (qorlardy) erikti túrde taratý týraly sheshimi qordyń (qorlardyń) kepildikteri aıaqtalǵannan keıin nemese qatysýshy osy qor (qorlar) berip, kepildendirgen maqta qolhattary boıynsha mindettemelerdi tolyq oryndaǵannan keıin ǵana qabyldanýy múmkin. Buıryq Qazaqstan Respýblıkasynyń Ádilet mınıstrliginde 2015 jylǵy 9 qyrkúıekte Normatıvtik quqyqtyq kesimderdi memlekettik tirkeýdiń tizilimine №12040 bolyp engizildi.